“Хишиг арвин” компанийн 120 ажилтан хоолны хордлогод орж, суулгалт өгчээ

Өмнөговь аймгийн Цогтцэций суманд байрладаг “Хишиг арвин” компанийн ажилчид хоолны хордлогод оржээ.

Тодруулбал, өнгөрсөн бямба гарагт буюу наймдугаар сарын 14-нд эл явдал болсон бөгөөд тус компанийн 500-аад ажилтны 120 нь хордлогод орж, суулгалт өгчээ.

Юунаас болж хордлого авсаныг одоо шалгаж буй бөгөөд Мэргэжлийн хяналтын газраас хоолны дээж авч, Улаанбаатар хот руу явуулсан байна.

Тус компани Өмнөговь аймгийн Цогт-Цэций сумын Баруун цанхийн нүүрсний уурхайд олборлолт хийдэг бөгөөд дэд захирал нь М.Тулгат гэгддэг. НИТХ-ын төлөөлөгч байсан тэрбээр өдгөө хоёр салсан АН-ын нэгнийх нь дарга билээ.

Уг хэргийг Өмнөговь аймаг дахь цагдаагийн газрын Цогтцэций сум дахь сум дундын цагдаагийн хэлтэст шалгаж байна.