БЗД-ийн 12, 17 дугаар хорооны оршин суугч 8, “Мөнххада“ компанийн ажилчдын гэр бүлийн 4 хүнд халдвар илэрчээ

Эрүүл мэндийн яам  короновирусын талаар цаг үеийн мэдээлэл өгч  байна. ХӨСҮТ-ийн тандалт, судалгааны албаны дарга А.Амбасэлмаа: Сүүлийн 24 цагийн хугацаанд 16854 хүнд псиар шинжилгээ хийсэн. Шинжилгээгээр 12 хүнд коронавирус илэрсэн. УБ хотод бүртгэгдсэн. “Мөнххада“ компанийн ажилчдын гэр бүлийн  давтан шинжилгээгээр 4 хүнээс коронавирус илэрсэн. БЗД-ийн 12, 17 дугаар хорооны оршин суугч 8 хүнээс илэрсэн. Эдгээрх тохиолдлууд бүгд хяналтанд байсан тусгаарлах байранд байсан хүмүүс байна. Нийт УБ хотод батлагдсан тохиолдол 664 байна. Бусад аймгуудад сүүлийн 24 цагийн хугацаанд халдвар бүртгэгдээгүй. Улсын хэмжээнд кластар голомтонд гарч байгаа тохиолдлын тоо 990 болсон байна. Сүүлийн 24 цагийн хугацаанд цэргийн төв эмнэлгээс 38, халдварт өвчин судлалын клиникээс 13 хүн гарч дараагийн шатан дахь Хан-Уул дүүргийн 300 ортой эмнэлэгрүү шилжсэн байна” гэлээ.