Алтанбулаг боомтоор Монгол болон гадаад иргэдийг татан авна

Татан авалтыг тухайн өдрийн 12:00-15:00 цагийн хооронд зохион байгуулна. Иймээс бүртгүүлсэн иргэд коронавирусийн шинжилгээ хийлгэж, тусгаарлагдах байрны төлбөр төлсөн байх шаардлагатай аж.

Түүнчлэн иргэд төлөвлөсөн цагаас хоцролгүй, холбогдох баримт бичгийг /үндэсний энгийн гадаад паспорт, оршин суух зөвшөөрөл, виз г.м/ бүрдүүлэн ирэхийн зэрэгцээ хувийн тээврийн хэрэгсэл болон гэрийн тэжээвэр амьтны хамт ирэх тохиолдолд урьдчилан мэдэгдэж зөвшөөрөл авна уу гэж Улаан-Үд дэх Ерөнхий консулын газраас мэдээллээ.