Үүнээс дурдвал, энэ амралтын өдөр нийслэлийн Хан-Уул дүүргийн нэгдүгээр хорооны 14 дүгээр байрны ойролцоох замд улсын дугаар нь тодорхойгүй автомашины жолооч явган зорчигч М-ийг мөргөж, ослын газрыг орхиж явсан байна. Тус хэргийг тээврийн цагдаагийн албаны эрүүгийн хэлтсийн алба хаагч шуурхай эрэн сурвалжилж, жолоочийг согтууруулах ундаа хэрэглэсэн үедээ үйлдсэн болохыг тогтоожээ.

Мөн согтуугаар машин жолоодсоноос “Hyundai Verna” маркийн автомашинтай мөргөлдөн тус машинд зорчиж явсан дөрвөн настай хүүхдийг гэмтээсэн байна. Тус хэрэг нийслэлийн Хан-Уул дүүргийн 6 дугаар хорооны “Яармаг” барилгын материалын дэлгүүрийн урд замд болжээ.

Түүнчлэн нийслэлийн Баянзүрх дүүргийн 11 дүгээр хорооны “Хонхор”-ын замд “Toyota prius” маркийн 2 автомашин мөргөлдөж, согтуугаар тээврийн хэрэгсэл жолоодсон Ц гэмтсэн байна.

Иймд тээврийн цагдаагийн албанаас согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг анхааруулж байна. Мөн дээрх хэрэгт хуулийн дагуу шийтгэл оногдуулжээ.

Ташрамд дурдахад, Зөрчлийн тухай хуулийн 14.7.38 зүйлийн дагуу тээврийн хэрэгслээр замын хөдөлгөөнд оролцож уулзвар, явган хүний гарц нэвтрэх үед давуу эрхтэй явган зорчигчид зам тавьж өгөөгүй 95 жолоочийг тус бүр хорин нэгжтэй тэнцэх хэмжээний төгрөгөөр торгосон байна.

 

Leave a Reply

Your email address will not be published. Required fields are marked *

Previous post Хөгжлийн бэрхшээлтэй хүний хөгжлийн ерөнхий газрын тугийг төрийн банкны Төрийн банкны Хан-Уул салбарт аялуулжээ
Next post Томуу, томуу төст өвчнөөс сэргийлэх аргууд

More Stories

Монгол Улсын Ерөнхийлөгч, ҮАБЗ-ийн тэргүүн У.Хүрэлсүх Баян-Өлгий аймгийн удирдлагууд, шүүх, прокурор, хууль, хяналтын байгууллагуудын дарга нарт үүрэг, даалгавар өглөө.

Пүрэв Дашдорж
2 weeks Ago

Хэн ч үндэс угсаа, нийгмийн гарал, шашин шүтлэг, үзэл бодлоороо гадуурхагдах ёсгүй. Энэ бол Үндсэн хуулийн зарчим. Үндэсний аюулгүй байдалд...