Б.Махбалд холбогдох хэргийн шүүх хурал дахин хойшлогджээ

Шүүх хуралдаанд шүүгдэгчийн өмгөөлөгч нараас хохирол төлбөр төлөх 5 хоногийн завсарлага авах хүсэлт гаргасан тул шүүх уг хүсэлтийг хүлээн авч дараагийн шүүх хуралдааныг 2020 оны 5 дугаар сарын 15-ны өдрийн 08:30 цаг хүртэл хойшлуулсан байна.

Түүнд холбогдох шүүх хурал нэмэлт мөрдөн байцаалтад буцсанаас хойш хоёр дахь удаагаа хойшиллоо. Нийслэлийн прокурорын газраас Б.Махбалыг Эрүүгийн хуулийн тусгай ангийн 10.1 дүгээр зүйлийн 2.1 дэх хэсэгт заасан “Онц харгис хэрцгийгээр хүнийг алах” гэмт хэрэгт яллаж, шүүхэд шилжүүлжээ.

Хэргийн тухайд сануулахад, ЗТХЯ-ны Төрийн захиргааны удирдлагын газрын дарга асан Б.Махбал нь тус яамны Хяналт-шинжилгээ, үнэлгээ, дотоод аудитын газрын дарга Т.Гомбосүрэнгийн аминд хүрсэн хэрэгт холбогдсон юм.