Аялал зугаалга хийх, ууланд алхах нь хориотой

Тэрбээр НОБГ-т өнгөрсөн тав хоногийн хугацаанд гамшиг ослын 68 дуудлага ирсэн. Үүний 50 орчим хувийг шар өвсний дуудлага эзэлж байна. Гуравдугаар сарын 20-оос, зургадугаар сарын 10, есдүгээр сарын 20-ноос арваннэгдүгээр сарын 10 хүртэл Ойн тухай хуулийн дагуу түймрийн аюултай үе гэж тооцогддог. Улаанбаатар орчмын цаг агаарын нөхцөл хуурайшилтын нэн аюултай бүсэд ордог. Харамсалтай нь иргэд зусландаа гарахдаа өнжмөл шар өвсийг ил задгай шатааснаас үүдэлтэй хэд хэдэн томоохон гал түймэр өнгөрсөн амралтын өдрүүдэд гарлаа. Богд уулын баруун, зүүн аманд тус бүр нэг га газар, далан давхрын оршуулгын газар долоон га газар, томоохон зуслангийн бүс нутагт гал гарсан.

Нийслэлийн Засаг даргын өнжмөл шар өвсний түймэр гарахаас урьдчилан сэргийлэх талаарх А487 захирамж гарсан. Түүнд дөрөвдүгээр сарын 06-наас зургадугаар сарын 10 хүртэл ногоон бүсэд аялал зугаалга хийх, ууланд алхах, сургуулийн төгсөгчдийн баярын арга хэмжээ болон ил задгай гал гаргахыг хориглосон. Үүний хэрэгжилтэд Нийслэлийн байгаль орчны газар, онцгой байдлын газар, цагдаагийн газар, тээврийн газар, хяналт тавьж ажиллана. Хөдөлгөөнт эргүүл гарсан. Мөн нийслэлийн ногоон бүсэд авто тээвэр нэвтэрч болох газруудад замын саад хийж байна. Хөдөлгөөнт эргүүл өдөр бүр өглөөний 10 цагаас 20 цаг хүртэл 67 өдрийн турш дээрх нэр дурьдсан дөрвөн байгууллагын давхардсан тоогоор 1340 албан хаагч төвийн таван дүүргийн ногоон бүсэд үүрэг гүйцэтгэнэ.

Зөрчил гаргасан хуулийн этгээдэд байгаль орчны улсын байцаагч тухай бүрд нь арга хэмжээ авч учирсан хохирлыг барагдуулж ажиллана. НОБГ-аас өдөр бүр хоёр цагийн хугацаанд хорин автомашинтай хорин маршрутаар коронавирусээс урьдчилан сэргийлэх зөвлөмжийг чанга яригчаар анхааруулж зөвлөмж өгч, халдваргүйтэл хийж ажиллаж байна. Сүүлийн үед иргэдийн сонор сэрэмж буурч амны хаалт зүүхгүй байх тохиолдол гарч байгаа учраас НОБГ-аас “Амны хааллтаа тогтмол зүүж covid-19 халдвараас урьдчилан сэргийлье,Ойр хээр, өнжмөл шар өвсний гад түймрээс урьдчилан сэргийлье” гэсэн уриалгыг гаргаж байна. Та бүхэн минь гал түймрийн аюулаас урьдчилан сэргийлээрэй.