Говь-Алтай аймгийн Тонхил сумын нутагт дахин газар хөдөлжээ.

Тодруулбал, Тонхил сумын төвөөс зүүн зүгт 32 километрт орших Тамч багийн “Хатавчын-Ам” гэдэг газар гуравдугаар сарын 24-ний өдрийн 06:47 цагт 4.5 магнитудын хүчтэй газар хөдлөлт болсон тухай мэдээллийг мөн өдрийн 07:00 цагт Одон орон геофизикийн хүрээлэнгээс Онцгой байдлын газарт өгчээ.

Мэдээллийн дагуу ус аймгийн Онцгой байдлын газраар дамжуулан Тонхил сумын Засаг даргын Тамгын газрын даргатай холбогдож тодруулахад “Иргэдэд газар хөдлөлтийн чичирхийлэл мэдрэгдсэн, учирсан хохиролгүй” гэж мэдэгдсэн гэж Онцгой байдлын ерөнхий газраас мэдээллээ.

Өмнө нь буюу гуравдугаар сарын 20-ны өдөр тус аймгийн нутагт 3.6-5.8 магнитудын хүчтэй дөрвөн удаагийн газар хөдлөлт болсон бөгөөд газар хөдлөлтийн чичирхийлэл нь Говь-Алтайн зарим сумаас гадна Завхан аймгийн хэд хэдэн сумын нутагт мэдрэгдсэн байна.

Leave a Reply

Your email address will not be published. Required fields are marked *

Previous post Дипломат төлөөлөгчийн газрууд консулын үйлчилгээг цахим хэлбэрээр үзүүлж байна
Next post Засгийн газар хуралдаж байна

More Stories