Газрын албанд шигдсэн авилгачдыг АТГ сатуулав

 Нийслэл, дүүргийн газрын албаны нэр бүхий албан тушаалтануудыг өчигдөр АТГ-аас саатуулан баривчилсан байна. Энэхүү баривчилгаанд Хан-Уул дүүргийн Газрын албаны дарга Мөнхбаатар хамрагдсан бөгөөд түүнийг албан тушаалаа урвуулан ашиглаж их хэмжээний авлига авсан хэргээр саатуулжээ. 80 сая төгрөгийн хахууль авч байгаад баригдсан Мөнхбаатар нь албан тушаалаа ашигласан олон үйлдэл байгаа тухай ч эх сурвалж ам алдсан. Харин босоо удирдлагатай учир дүүрэгт хамааралгүй хэмээгддэг Газрын албаны дүүргийн дарга “зөвшөөрөл гаргана” хэмээн авлига хахууль авсан хэргээр АТГ-т саатуулагдан шалгагдаж эхэлсэн нь анхаарал татахаас аргагүй байдал үүсгэв. Учир нь Хан-Уулын Засаг дарга 2016 оноос хойш газрын зөвшөөрөл гаргаагүй юм байна. Гэтэл дүүргийн Засаг дарга газрын зөвшөөрлийг огт гаргахгүй байхад дүүргийн нутаг дэвсгэрт хаанаас зөвшөөрөл олгогдож, гаргав. Албан тушаалаа ашигласан авлигын сүлжээ хаана байгааг тодруулах зэргээр энэ салбарт идээ бээр болтлоо бугшсан томоохон бүлэглэлийг учгийг нэхэх ажилд ийнхүү АТГ-ын мөрдөгчид ханцуй шамласан бололтой…

мөрч.мн