Цагдаагийн ерөнхий газрын Тээврийн цагдаагийн албанаас “Дураараа биш дүрмээрээ” аян эхлүүлж байгаа юм байна. Энэ талаар өнөөдөр мэдээлэл хийлээ. Монгол Улсад бүртгэлтэй 970 мянган тээврийн хэрэгсэл байдаг. Өөрөөр хэлбэл, сүүлийн 10 жилд Монгол Улсын тээврийн хэрэгсэл дөрөв дахин нэмэгдсэн байгаа юм. Үүнийг дагаад зам тээврийн осол ч мөн нэмэгдэж байгаа гэнэ. Харин энэхүү зам тээврийн ослын шалтгаан нь жолооч нарын сахилга, хариуцлагагүй байдалаас үүдэлтэй байгаа гэдгийг албаныхан мэдээлэв.

Тиймээс жолооч нарыг бие биенээ хүндэлж, замын хөдөлгөөнд соёлтой оролцуулахад уриалж, “Дураараа биш дүрмээрээ” аянаа эхлүүлжээ. Энэ талаар Тээврийн цагдаагийн албаны Урьдчилан сэргийлэх хэлтсийн дарга Э.Бөхбат “Хүмүүсийн ухамсаргүй байдал, бие биенээ хүндлэхгүйгээс үүдэн зам тээврийн осол гарч, түгжрэл бий болж байна. Жолооч нар дүрмээ баримталж, замын хөдөлгөөнд соёлтой оролцвол зам тээврийн осол, түгжрэл буурна” гэв.

Leave a Reply

Your email address will not be published. Required fields are marked *

Previous post Шуурхай албаны автомашин хүлээлгэн өглөө
Next post  Ирэх сард сурагчдыг сурах бичгээр бүрэн хангана

More Stories