Өчигдөр Сүхбаатар дүүргийн нутаг дэвсгэрт байрлах Шангри-Ла төвийн дэлгүүрийн нэгдүгээр давхар усанд автсан байна. Уснаас болж орж, гарч чадахгүйд хүрсэн үйлчлүүлэгчдийн хэлж буйгаар шалан дээгүүр их хэмжээний ус урсаж байсан бөгөөд тус газрынхан яаралтай арга хэмжээ авч усыг шавхаж дууссан гэлээ. Одоогоор ус юунаас болж алдсан шалтгаан тодорхой болоогүй, ажиллаж байгаад хаагдсан байсан түрээсийн байгууллагын шугамд гэмтэл гарсан байж болзошгүй хэмээн таамаглаж байгаа юм.
