Гэнэт халуурч, хурдан хүндэрдэг цаашлаад амь насанд хүрэх эрсдэлтэй гэдэг утгаараа менингококкт халдвар нь хурц халдварт өвчинд тооцогддог. Тиймээс менингококкт халдварын талаар мэдлэгтэй байж, уг өвчнөөс урьдчилан сэргийлэх нь чухал юм. Менингококкт халдвараас урьдчилан сэргийлэх аргын нэг нь вакцин.

ХӨСҮТ менингококкт халдвараас урьдчилан сэргийлэх вакциныг 13500 төгрөгөөр нас харгалзахгүй хийж байгаа аж. Гэхдээ уг өвчний эрсдэлт бүлэг нь бага насны хүүхэд. Тиймээс менингококкт халдварын эсрэг вакцинд эрсдэлт бүлгийн 0-5 хүртэлх насны хүүхдүүдийг идэвхтэй хамрагдахыг зөвлөж байна.

Урьдчилан сэргийлэх

Хоолой нь өвддөг, ангинатай хүн хоолойгоо эмчлүүлэх

Давс, царван, сода, лимоны уусмал, тамединаар хоолойгоо зайлах

Хүүхдийн хоолой, амыг зөгийн балаар арчих

Хүүхдээ хооллохын өмнө гараа сайтар угаах

Хүүхдийг үнсэхээс татгалзах

Бага насны хүүхдийг дагуулан олон нийтийн газраар явахгүй байх

Хүүхдийн биед гарч буй өөрчлөлтийг анзаарах

Шинж тэмдэг

Дараах шинж тэмдэг илэрсэн тохиолдолд яаралтай эмнэлэгт хандсанаар бүрэн эдгэх боломжтой юм

Энэ өвчний үед хүүхэд гэнэт өндөр халуурч, их хэмжээгээр бөөлжинө

Гэрлээс айх, маш цочимтгой болно

Хөхөөр хооллодог хүүхэд хөхөө хөхөж чадахаа болих, хоолонд дургүй болох

Хүзүү хөшиж, ухаан санаа самуурах

Эдгээр шинж тэмдгүүдтэй зэрэгцэн 1-2 цагийн дотор үе мөчөөс эхлэн тууралт гарч, маш хурдан хугацаанд цусархаг болдог аж

Улмаар цусан тууралт болон тархины зөөлөн бүрхүүл, тархины эдийн үрэвсэл болдог байна.

Leave a Reply

Your email address will not be published. Required fields are marked *

Previous post МҮХАҮТ-ын Ерөнхийлөгчид Б.Лхагважав, Ч.Ганхуяг нар өрсөлдөхөөр болжээ
Next post ХОМ-ээ өгөх хуулийн хугацаа өнөөдөр дуусна

More Stories