Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд Сангийн сайд асан С.Баярцогтыг цагдан хорих эсэх асуудлыг хэлэлцэх хурал боллоо. Өнөөдөр 14.30 цагт эхэлсэн шүүх хуралдаан дөнгөж сая өндөрлөж, шүүх бүрэлдэхүүн Сангийн сайд асан С.Баярцогтыг нэг сарын хугацаатай цагдан хорих шийдвэрийг гаргалаа. Шүүх хуралд С.Баярцогтын хоёр өмгөөлөгч оролцлоо.

Шүүх хуралдааны дараа С.Баярцогтын өмгөөлөгч Г.Орхоноос ярилцлага авах гэсэн боловч татгалзлаа. Тэрбээр “Мэдээлэл ярилцлага өгөх боломжгүй” гэхээс өөр ямар нэгэн тайлбарыг хэлсэнгүй.

Эх сурвалжийн мэдээлснээр Сангийн сайд асан С.Баярцогтод холбогдох хэргийг шалгах явцад хилийн чинадад үйлдэгдсэн байж болзошгүй шинэ баримт, нөхцөл байдал илэрсэн байна. Тиймээс АТГ-аас түүнийг цагдан хорих саналыг прокурорт хүргүүлж, прокурор шүүхэд шилжүүлжээ.

Хуулийн байгууллагаас Ерөнхий сайд асан Ч.Сайханбилэг, С.Баяр болон Сангийн сайд асан С.Баярцогт нарыг Оюу толгойн хөрөнгө оруулалтын гэрээг үзэглэхдээ эрх мэдэл, албан тушаалын байдлаа ашиглаж бусдад давуу эрх олгосон байж болзошгүй гэх үндэслэлээр яллагдагчаар татан, цагдан хорьсон ч өнгөрсөн оны зургадугаар сард батлан даалтад гарган гарган шалгаж байсан билээ.

Leave a Reply

Your email address will not be published. Required fields are marked *

Previous post  Хүүхдийн эндэгдэл ганцхан сарын дотор 21%-аар нэмэгджээ
Next post Хотын шинэ даргаар С.Мөнхчулуун сонгогдлоо

More Stories