Сая гудамжинд машин тэвэрсэн хүүтэй таарлаа. Хүү анхаарал татахаас аа илүү машин нь илүү татсан нь нуух юун. Учир нь цэрэгт байхад “ачигддаг” оросын домогт “аавын цээж – 66” нүдэнд тусаж дурсамж сэргээсэн юм.
Хамгийн гайхамшигтай нь энэ хүүгийн “аавын цээж – 66” түүний бүтээл байлаа. Бүх зүйлийг өөрөө хийсэн. Хөдлөөд явах битгий хэл 4х4 – дугуй маажна, гэрэл асаж, дохио ажиллана. Товчхондоо бол шууд л Газ-66 жижигрүүлсэн хувилбар. Ёстой гайхалтай.
Ганцхан л юм бодогдлоо – Монголын мань ИРЭЭДҮЙ АЙСУЙ. Гагцхүү энэ ирээдүйгээ утаанд хордуулж, улс төрчдийн умхиагүй хорноос хол байлгахсан даа. Хонгилд оруулахгүй өсгөхсөн дөө.
Эрдэнэбат хүүдээ хамгийн сайн сайхан бүхнийг хүсэн ерөөе! Та нар шиг бүтээлч инженер сэтгэлгээтэй хүүхдүүд Монголоо авч явна… ???
Жич: хүүг дэмжээд, загварыг нь худалдан авах эсвэл зүгээр л ивээн тэтгэхийг хүсвэл холбогдоорой.
