Эхийн санаа үрд үрийн санаа ууланд

Баянхонгор аймгийн Богд сумын “Цэлгэр” багийн Гүний нуруу гэдэг газар тус сумын харьяат иргэн 70 настай, эрэгтэй О нь хүү Г-гийн хамт энэ сарын 13-нд автомашинаар зорчиж яваад хоорондоо муудалцсаны улмаас автомашинаас бууж явган яваад сураггүй болсон байна.

Энэ тухай дуудлагыг хүлээн авч тус сумын Засаг даргын Тамгын газрын даргаар ахлуулсан орон нутгийн 11 иргэн, хоёр автомашинтайгаар шөнийн турш эрэн хайх ажиллагааг зохион байгуулсан боловч үр дүнд хүрээгүй аж.  Маргааш өдөр нь 11:50 цагаас тус аймгийн Онцгой байдлын газрын таван алба хаагч, Цагдаагийн газрын нэг алба хаагч,  нэг автомашинтай хүч нэмэгдүүлэн ажиллахаар явж байх явцад тухайн алга болсон иргэнийг Богд сумын “Луугар” багийн Элгэний хоолой гэдэг газраас эсэн мэнд олжээ.