Өнөөдөр өглөө Өмнөд Солонгосын мэргэжилтнүүдийн суусан галт тэрэг Умард Солонгосыг чиглэн хөдөлжээ. Хоёр Солонгос төмөр замуудаа холбож, эдийн засгийн харилцаагаа хөгжүүлэхээр тохиролцсоны хүрээнд Өмнөдийн мэргэжилтнүүд 18 хоногийн хугацаанд Умардын төмөр замын бүх сүлжээгээр аялж, нөхцөл байдлыг нь шалгах юм.

Өнөөдөр хөдөлсөн цуваа нь зургаан вагонтой, засгийн газрын төлөөлөгчид, төмөр замын мэргэжилтнүүдийг тээвэрлэж яваа ажээ. Харин зүтгүүр нь Умард Солонгосынх юм.

Арванхоёрдугаар сарын 18-ныг хүртэл тэд Умардын 1,200 км урт замыг шалгах төлөвлөгөөтэй байна.

Өнгөрсөн дөрөвдүгээр сард хоёр Солонгосын удирдагчид анх удаа Панмунжомд уулзахдаа төмөр замын сүлжээгээ шинэчлэн сайжруулж, нэгтгэх тохиролцоонд хүрсэн юм. Ингэснээр Солонгосын хойгийг бүхэлд нь хамарсан төмөр замын дэд бүтэц бий болно.

1950-1953 оны Солонгосын дайнаас хойш Өмнөдийн галт тэргийн цуваа анх удаа Кумган уулнаас Түмэн гол хүртэл аялж байгаа нь энэ юм.

Төмөр замын хамтын ажиллагаанд НҮБ-ын хориг арга хэмжээ саад болж байв. Гэвч саяхан АНУ энэхүү төслийг дэмжсэнээр НҮБ-д нөлөөлж, хэрэгжих боломжтой болсон юм.

Leave a Reply

Your email address will not be published. Required fields are marked *

Previous post УИХ-ын чуулганы хуралдаанд Г.Мөнхцэцэг, Б.Батзориг нарын гишүүд ирээгүй байна
Next post Газар эзэмших эрхийн цахим дуудлага худалдаа болно

More Stories