Дуудлага худалдаагаар 4 га газрыг 573 сая төгрөгөөр худалдаж авчээ

Нийслэлийн газрын албанаас нийт 27 байршилд дуудлага худалдаа зарласан. Үүнээс дөрвөн байршилд 8 санал иржээ. Өнөөдрийн дуудлага худалдаагаар нийт 4.37 га газрыг 573,867,331 сая төгрөгөөр зарсан байна.

Дуудлага худалдаагаар:

1. Хан-Уул дүүргийн 10 дугаар хороо, Чингис хаан олон улсын нисэх онгоцны буудлын баруун урд талд амины орон сууцны хотхон барих зориулалттай 2.23 га газрыг анхны үнэ 248,064,901 сая төгрөгийг 10 саяар өсгөж 258,064,901 сая төгрөгөөр хувь хүн
2. Хан-Уул дүүргийн 10 дугаар хороо, Чингис хаан олон улсын нисэх онгоцны буудлын баруун урд талд конторын барилгын зориулалттай 1.14 га газрыг мөн 10 сая төгрөгөөр өсгөж, /анхны үнэ 137,573,728 сая төгрөг/ 147,573,728 сая төгрөгөөр хувь хүн
3. Хан-Уул дүүргийн 10 дугаар хороо, Төв аймаг чиглэлийн авто замын дагуу үйлчилгээний зориулалттай 1 га газрыг 10 сая төгрөгөөр өсгөж, 168,228,702 сая төгрөгөөр хувь хүн тус тус худалдаж авжээ.

Харин нэг байршилд зарагдах газрын дуудлага худалдаа цуцлагдсан байна. Энэ нь Хан-Уул дүүргийн 10 дугаар хороо, Морингийн гэр хорооллын урд талд орон сууцны зориулалттай 4 га газар байв. Оролцогч саналаа ирүүлсэн боловч үнээ өсгөөгүй учир цуцлагджээ.