Токио хотноо болж буй Японы мэргэжлийн сүмо бөхийн нэгдүгээр сарын тэмцээн буюу Хацү башёгийн 7 дахь өдрийн барилдаанд 71 дэх их аварга Какүрюү М.Ананд, Точиношинг давснаар нэг ч өвдөг шороодолгүйгээр тэмцээнийг хошуучилж байна. Түүнтэй хамт сэкивакэ Митакүэми долоон даваатай башёг тэргүүлж яваа юм. Тэдний араас озэки Гоэйдо болон Точиношин нарын гурван бөх 6 даваа, нэг унаатай нэхэж байга. Өчигдөр Гоэйдо, комүсүби Такакейшёогоор зургаа дахь даваагаа авчээ.

Монгол бөхчүүдээс Ичиножёо А.Ичинноров, озэки Такаясүг давж, гурван даваатай болсон бол сэкивакэ Тамаваши Б.Мөнх-Оргил Хокүтофүжид ялагдаж, 2 даваа, 5 унаатай башёг үргэлжлүүлж байна. Мөн Араваши Э.Дөлгөөн Чиёотайрюүгээр 4 дэх даваагаа авчээ.

Их аварга Хакүхо М.Даваажаргал, Кисэносато болон озэки цол хүртэж явсан Тэрүнофүжи Г.Ган-Эрдэнэ нарын хүчтэнүүд бэртлийн улмаас Хацү башёгийн дундаас орхиж гараад байгаа билээ.

Өнөөдөр их аварга М.Какүрюү мэагашира Сётайтай барилдахаар оноолт таарсан бол түүнтэй хамт тэмцээнийг тэргүүлж буй Митакүэми Ичиножёо А.Ичинноровтой барилдах юм.

Leave a Reply

Your email address will not be published. Required fields are marked *

Previous post УИХ-ын дарга Ази, Номхон далайн орнуудын парламентын чуулганд оролцлоо
Next post Х.Баттулга АНУ-ын Төрийн департментын туслахыг хүлээн авч уулзлаа

More Stories

Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо

Пүрэв Дашдорж
6 days Ago

Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...