Онцгой байдлын ерөнхий газраас мэдээлснээр өнгөрсөн нэг хононт Булган, Увс аймгийн зарим сумдын нутгаар цас орсон байна. Бусад нутгаар цаг агаар тогтуун байжээ. Өнөөдөр Төв болон зүүн аймгуудын нутгаар үүлшинэ, бусад нутгаар солигдмол үүлтэй. Төвийн аймгуудын зарим газар, зүүн аймгуудын нутгийн хойд хэсгээр бага зэргийн цас орж, явган шуурга шуурна. Бусад нутгаар цас орохгүй. Салхи баруун хойноос 6-11 м/с, Алтайн салбар уулсаар 12-14 м/с хүрч ширүүснэ. Дархадын хотгор, Хэнтэйн уулархаг нутаг, Идэр, Тэс, Ерөө, Улз голын хөндийгөөр 22-27 хэм, Увс нуурын хотгор болон Завхан голын эх, Хүрэн бэлчир орчим, Орхон, Сэлэнгийн сав газар, Эг, Хараа, Туул, Тэрэлж, Хэрлэн, Онон, Халх, голын хөндийгөөр 15-20 хэм, говийн бүс нутгийн өмнөд хэсгээр 4-9 хэм, бусад нутгаар 10-15 хэм хүйтэн байна.

Ойрын өдрүүдийн цаг агаарын төлөв байдлыг тоймлоход 15, 17-нд төв болон зүүн аймгуудын нутгийн зарим газраар, 18-нд нутгийн зарим газраар бага зэргийн цас орж, зөөлөн цасан шуурга шуурна. Салхи 17, 18-нд зарим газраар 12-14 метр хүрч ширүүсэх төлөвтэй байна. Дархадын хотгор, Завхан голын эх, Идэр, Тэс, Хэрлэн, Онон, Улз, Халх голын хөндий, Хүрэнбэлчир орчмоор шөнөдөө 32-37 хэм, өдөртөө 20-25 хэм, Хангай, Хөвсгөл, Хэнтэйн уулархаг нутаг, Эг, Үүр, Орхон-Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 26-31 хэм, өдөртөө 12-17 хэм, говийн бүс нутгийн өмнөд хэсгээр шөнөдөө 10-15 хэм, өдөртөө 1-6 хэм, бусад нутгаар шөнөдөө 19-24 хэм, өдөртөө 8-13 хэм хүйтэн байна. Хугацааны эцсээр хүйтний эрч чангарах ажээ.

Улаанбаатар хотод үүлшинэ. Ялимгүй цас орно. Салхи баруун хойноос 6-11 м/с. 15-17 хэм хүйтэн байна.

Бэлтгэсэн С.Саран

Leave a Reply

Your email address will not be published. Required fields are marked *

Previous post Элчин сайд С.Баярыг эргүүлэн татахаар болжээ
Next post Эмээгийн нулимсыг арчих банкууд айсуй

More Stories