Калифорнид таван жилийн өмнө гэрээсээ зугтсан тэжээвэр илжиг буган сүрэгтэй хамт амьдарч буйг олжээ.
Зургадугаар сарын эхээр хийсэн нэгэн явган аялагчийн бичлэгт гарах илжгийг Дизель нэртэй тэжээвэр илжиг мөн болохыг эзэд нь таньжээ.
Алга болсон амьтныхаа аюулгүй байдалд санаа нь зовж байсан эзэд болох Терри, Дэйв Дрюри нар тайвширч, түүнийг шинэ гэр бүлд нэгдэн зэрлэг байгальд чөлөөтэй тэнүүчлүүлэх болсныг мэджээ.
2019 онд Дрюритэй Калифорниа мужийн Клир нуурын ойролцоо явган аялал хийх үеэр Дизель алга болжээ. Сайн дурынхан түүнийг долоо хоног хайсан ч үр дүнд хүрээгүй байна. Дараа нь явган аялагч Макс Феннел энэ сарын эхээр сүргийг олж хараад, “Аз жаргалтай, эрүүл илжиг байна” хэмээн тодорхойлж, бичлэгээ олон нийтийн сүлжээнд нийтэлжээ.
Эзэн Дрюри “Хоёр тэс өөр төрлийн амьтан хоорондоо зохицож, нэгнийгээ гэр бүлдээ нэгтгэж болдог нь гайхалтай” гэжээ.
Дизель алга болсноос хойш Дрюригийн гэр бүл шинэ илжиг авсан бөгөөд алга болсон тэжээвэр амьтнаа барих талаар бодолгүй байгаа гэв. Дизель найм орчим настай бөгөөд илжиг 40 хүртэл жил амьдардаг байна.
Эх сурвалж: BBC
