НҮБ-ын Хүүхдийн сан, Хүүхэд, гэр бүлийн хөгжил, хамгааллын газраас “Гамшиг, онцгой нөхцөл байдлын үед хүүхэд хамгааллын үйлчилгээ үзүүлэх нэгдсэн арга зүй” сэдэвт сургалтыг Идэр, Их-Уул, Отгон, Шилүүстэй, Тэлмэн, Тэс, Түдэвтэй, Тосонцэнгэл сумын 8 хамтарсан багийн нарийн бичиг нарыг хамруулан зохион байгууллаа.
Сургалтыг Хүүхэд, Гэр бүлийн хөгжил, хамгааллын ерөнхий газрын Төрийн захиргааны удирдлагын газрын дарга Ш.Чинбат, Хүүхдийн эрхийн хэрэгжилтийн газрын Гамшиг, онцгой нөхцөл байдлын үед дэх хүүхэд хамгаалал хариуцсан мэргэжилтэн Б. Ундрахболор нар удирдан явуулав.
НҮБ-аас сургалтад оролцсон 8 сумын хамтарсан багийн нарийн бичиг нарт албан ажилдаа ашиглах зориулалт бүхий Samsung galaxy tab A9 plus таблетыг дагалдах хэрэгслүүдийн хамт хүлээлгэн өглөө.
Энэхүү сургалтаар гамшиг, онцгой нөхцөл байдлын үед хүүхэд, гэр бүлийн эрсдэлийг тодорхойлон, түргэвчилсэн үнэлгээ хийж, үйлчилгээний зураглал гарган, хүүхдийг болзошгүй эрсдэл, хүчирхийлэл, дарамт мөлжлөгт өртөхөөс урьдчилан сэргийлэх талаар арга зүйн мэдлэг өгсөн нь үр дүнтэй байв.
