Үндэсний статистикийн газраас баярын ширээ засахад өргөн хэрэглэдэг бараа, бүтээгдэхүүний үнийн мэдээллийг бэлтгэжээ.
Бараа, бүтээгдэхүүний дундаж үнэ 2023 оны 11 дүгээр сарын байдлаар 2020 оны мөн үетэй харьцуулахад 53.8 хувиар өссөн байна.
Тухайлбал, хиам 2020 онд 9754 төгрөгийн үнэтэй байсан бол 2023 оны арваннэгдүгээр сарын байдлаар 17 мянга 404 төгрөгийн үнэтэй байна. Өндөг 503 байснаас, 604 төгрөг, майонез 5236 төгрөгөөс 7095 төгрөг, бялуу 23 мянгаас, 32 мянган төгрөг, оргилуун дарс 8056 төгрөгөөс, 9739 төгрөг болж үнэ нэмэгджээ.
Ингээд 2020 онд нэг өрх дунджаар 97 мянган төгрөгөөр баярын ширээгээ бэлтгэдэг байсан бол 2022 онд 135 мянга, 2023 онд 149 мянган төгрөг зарцуулах статистиктай байна.
