УИХ-ын чуулганы үдээс хойших нэгдсэн хуралдаан үргэлжилж байна. Хуралдаанаар УИХ-ын гишүүн Г.Тэмүүлэн, Ж.Бат-Эрдэнэ, Л.Мөнхбаатар нараас Ерөнхий сайдад хандаж Генетик нөөцийн хуулийн хэрэгжилтийн өнөөгийн байдал цаашид хэрэгжилтийг эрчимжүүлэх талаар төлөвлөж буй бодлого, арга хэмжээний талаарх асуулгын хариултыг сонсож буй юм. Асуулгад ХХААХҮ-ийд сайд Х.Болорчулуун хариулав.
Мөн ХХААХҮЯ-ны мэргэжилтэн “Монгол Улсад нийт 59 үүлдэр, омгийн мал үржүүлж байна. Бэлчээрийн болон эрчимжсэн мал аж ахуй хооронд асар өндөр ялгаатай байна. Тухайлбал, монгол үнээнээс жилд 700 литр сүү сааж байхад эрчимжсэн мал аж ахуйгаас 9000 литрийн хооронд сүү сааж байна. Малын ашиг шим өсөх тусам эмзэг байдал ихэсдэг.
Монгол Улсын ноолуур үнэхээр чанартай, сайн тул дэлхий маш их сонирхож байна. Япончууд спортын хувцас үйлдвэрлэлдээ дулаан хадгалах, хөлст шингээлт сайн гээд монгол ноолуурын хольц хийж эхэлсэн. Тийм учраас монгол ямааны ноолуурт генийн сайжруулалт хийх төсөл хоёр жил хэрэгжүүлсэн. Маш сайн үр дүн гарсан боловч ямаанууд маш эмзэг байна. Тийм учраас бэлчээрийн мал аж ахуйгаа дотор нь сайжруулах нь зөв гэсэн дүгнэлт гарсан.
Мөн нарийн ноост хонины аж ахуйн төслийг сүүлийн 2 жил Австралийн меринос хонины үрийг зохиомлоор хээлтүүлж Монгол Улсад энэ жил анх удаа дурангийн аргаар үр хөврөл шилжүүлэн суулгах мэс ажиллавар хийлээ. Өнгөрсөн жил зохиомол хээлтүүлгийг 10О гаруй хонинд хийж, маш сайн чанарын ноолууртай адил микронтой хонь гаргаж авсан. Энэ үр дүндээ урамшиж, үр хөврөл шилжүүлэн суулгах дурангийн мэс заслыг 400 гаруй хоньд хийсэн. Энэ төслүүдийг хэрэгжүүлж малчдад ойлгуулж, сайжруулах ажилд анхаарлаа хандуулж байна” гэж танилцууллаа.
+ There are no comments
Add yours