“S’Outlet”-ийн 2 ширхэг сэндвичэн байшинг өнөөдөр буулгана

Нийслэлийн Засаг дарга Д.Сумъяабазар захирамж гаргаж, голын голдиролыг өөрчлөн барьсан гурван барилгыг нэн шаардлагатай буулгахаар болсон. Тодруулбал, “Авлига хороолол” хэмээн нэрлэгдээд буй “Aqua Garden” хороолол S’Outlet, Алтай хотхоны урд байрлах “Шунхлай” ШТС багтаж буй.

Тэгвэл өнөөдрийн байдлаар “S’Оutlet” барилгыг буулгах ажил үргэлжилж байгаа бөгөөд нийт 14 ширхэг 40 тоннын чингэлэг чөлөөлөхөөс 14-ийг мөн 10×24 харьцаатай барааны агуулахыг чөлөөлсөн байна. Түүнчлэн өнөөдөр 10×10, 8×6 хэмжээтэй хоёр ширхэг сэндвичэн байшин буулгах талаар Хотын дарга Д.Сумъяабазар өөрийн цахим хуудсаараа дамжуулан мэдээллээ.