5-7 хоногтой нярайг гудамжинд хаясан байжээ

Нярай хүүхдийг гудамжинд хаясан хэрэг энэ сарын 3-ны өдөр гарчээ.

Тодруулбал, Дархан-Уул аймгийн “Авто вокзалын хажуугийн эзэнгүй хашаанд өлгийтэй нярай хүүхэд хаясан байна” гэсэн дуудлага, мэдээлэл цагдаагийн байгууллагад тухайн өдрийн 12:50 цагт бүртгэгдсэн байна.

Дуудлага, мэдээллийн дагуу шалгахад тус газарт 5-7 хоногтой эрэгтэй нярай хүүхэд хаясан байжээ.

Тухайн нярайг аймгийн нэгдсэн эмнэлгийн төрөх тасагт хүлээлгэн өгсөн бөгөөд биеийн байдал нь хэвийн байгаа аж.

Хүүхдээ хаясан эхийг олж, тогтоон холбогдох мөрдөн шалгах ажиллагаа явуулж байгааг цагдаагийн байгууллагаас мэдээлэв.