“Эрдэнэс Тавантолгой” ХК-ийн газрын захирал асан Х.Нурлатыг суллажээ

“Эрдэнэс Тавантолгой” ХК-ийн Дотоод хяналт эрсдэлийн удирдлагын газрын захирал асан Х.Нурлатыг 2022 оны арванхоёрдугаар сарын 12-нд цагдан хорих шүүхийн шийдвэр гарч байв. Түүнийг нэг сарын дараа эрүүл мэндийн шалтгаанаар сулласан байна.

Цагдан хорих шүүхийн шийдвэр гарсны маргааш нь түүнийг эрүүл мэндийн шалтгаанаар суллаж, хилийн хориг тавьжээ.

Х.Нурлатыг “Таван толгой түлш” ХХК-тай нүүрсний тээвэрлэлтийн бизнес эрхэлж хууль бусаар хөрөнгөжсөн, “Онлайн ложистикс” ХХК-ийг үүсгэн байгуулж, өөртөө болон бусдад давуу байдал бий болгосон байж болзошгүй гэх хэрэгт яллагдагчаар татсан тухай прокурорын байгууллагаас мэдээлж байв. Мөн түүний хамаарал бүхий компани нь Казахстан улсын Алматы хотод тансаг зэрэглэлийн орон сууцны хороолол барьсан гэдэг асуудлаар мөрдөн шалгах ажиллагаа явагдаж байгаа гэж Хууль зүй, дотоод хэргийн сайд Х.Нямбаатар мэдэгдэж байв.