УИХ-ын өнөөдрийн чуулганы үеэр ан агнуурын хуульд нэмэлт өөрчлөлт оруулах асуудлаар гишүүд асуулт асуув. Энэ үеэр Б.Пүрэвдорж гишүүн асуулт асуув. Тэрээр” Би энэ хуулийн ажлын хэсэгт байгаа. Тэгэхээр асуулт асуух зохимжгүй л дээ. Гэхдээ энэ яамны зарим нэг гишүүний лобигоор орж ирсэн заалтыг хэлэхгүй бол болохгүй байна. Амьтны тухай хууль байгаа. Агнуурын зөвшөөрөлтэй холбоотой. Энэ агнуурын зөвшөөрөлд хүн болгон орох боломжтой. Гадаадын анчин ч гэсэн орох боломжтой ийм заалт орж ирж байгаа юм. Энэ бол нэг томоохон аж ахуй бүгдийн зөвшөөрлийг авах боломжийг хангасан ийм олон хувийн аж ахуй нэгжүүдийг ан агнуурын олон жил үйл ажиллагаа явуулсан тэр аж ахуй нэгжүүдийг боомлох ийм заалт орж байгаа.
Энэ бол маш хариуцлагагүй үйлдэл. Тэгэхээр хэн хамаагүй агнуурт оролцохоор, гадаадын анчин ч хамаагүй орох юм байна. Гадаадын анчин орохоор тэр хүн чинь уул хадаар хамаагүй ордог аюулгүй байдлыг мэргэшсэн байгууллага хамгаалдаг байхгүй юу. Тэр нь энэ эрсдэлд орж байна. Хоёрдугаарт нь ан агнуурын менежмент хийдэг газрууд байдаг. Тэд нар яаж энэ угалз, тэхээ өсгөх үү хамгаалж, яаж ан хийх үү гэдгийг анхаарал тавьдаг тэр бүх менежментийг гадагш нь гаргаад хаячихаж байгаа юм. Энэ хууль чинь галзуу хүний өдрийн тэмдэглэл шиг ийм юмнууд байгаа юм л даа. Зөвшөөрлийн тухай хуулин дээр “Монгол Улсын иргэний чадавжтай этгээдэд зөвшөөрөл олгоно” гэж үндсэн шаардлага дээр нь бичсэн мөртлөө гадаадын анчин оролцох боломжтой гээд заагаад өгчихсөн. Дээрээс нь төсөл дотроо онлайнаар дуудлага худалдаа явуулна гэсэн мөртлөө заавал гарын үсэг зурж байж тэр зөвшөөрөл хүчинтэй болно. Хэрэв гарын үсэг зурахгүй бол дэнчин нь хүчингүй болно гэсэн байна. Онлайнаар явуулж байгаа юм бол бүрэн онлайнаар явуулаад л дуусна биз дээ. Яг нэг томоохон аж ахуй нэгжид бүх анг бага маржинтайгаар бага мөнгөөр өгөх ийм зориулалтай л хууль батлагдаж байна шүү дээ” гэв.
More Stories
“ДОРНОД УРАН” ХХК ШИНЭЭР БҮРТГЭГДЭЖ, МАРДАЙН УРАНЫ ТӨСЛИЙН БЭЛТГЭЛ АЖИЛ ЭХЭЛЛЭЭ
2025 оны зургадугаар сарын эхээр Монгол Улсын бүртгэлийн байгууллагад “Дорнод Уран” ХХК нэртэй шинэ компани албан ёсоор бүртгэгдлээ. Тус компани...
Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа
Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...
МОНГОЛ-ОРОСЫН ХАМТАРСАН МАРДАЙН “УРАН”-Ы ТӨСӨЛ УРАГШИЛЖ БАЙНА
Монгол, Оросын хамтарсан ураны төсөл дахин хөдөлгөөнд орж байна. Монгол Улсын бүртгэлийн байгууллага 2025 оны зургадугаар сард “Дорнод Уран” нэртэй...
ТЭРТЭЭХ ХААЛТТАЙ МАРДАЙН ОРД НЭЭЛТТЭЙ ТӨСӨЛ БОЛОН ДАХИН СЭРГЭХ ГЭЖ БАЙНА
Зөвлөлтийн үеийн нууцлагдмал түүхтэй Мардайн ураны орд өнөөдөр шинэ шатанд шилжихэд бэлэн болжээ. Монгол, Оросын хамтарсан “Дорнод Уран” ХХК 2025...
“Тогтвортой байдлын яриа хэлэлцээ- 2025 Уур амьсгалын өөрчлөлт: Тэрбуман мод” чуулга уулзалт болно
Монгол Улсын Ерөнхийлөгчийн ивээл дор “Тогтвортой байдлын яриа хэлэлцээ 2025 – Уур амьсгалын өөрчлөлт: Тэрбуман мод” чуулга уулзалт 2025 оны 06...
УРАНЫГ ГАЗАР ДООГУУР УУСГАН ОЛБОРЛОХ ТЕХНОЛОГИ БУЮУ АЮУЛГҮЙ, ОРЧИН ҮЕИЙН ШИЙДЭЛ
Монгол Улсад ураныг олборлоход газар доогуур уусган олборлох технологи ашиглах нь олон улсын жишигт нийцсэн, байгальд ээлтэй, аюулгүй арга гэж...