Ажлын хөлсөө авч чадаагүй гэх компанийн ажилтнуудын суулт ба ЭМЯ-ны тайлбар өглөө.
Гурван жилийн турш хийсэн ажлын хөлсөө авч чадахгүй байгаа гэх компаний ажилчид Эрүүл Мэндийн Яам(ЭМЯ)-ны гадна суулт зарлаж байна.
Тодруулбал, Дорноговь аймгийн Замын-Үүд суманд гурван жилийн өмнө 100 ортой эмнэлэг барих ажилд засал чимэглэлийг нь хариуцан гүйцэтгэсэн “Арвис интернэшнл” ХХК-ийн ажилчид цалингаа авч чадаагүй тул ЭМЯ-ны гадаа ийнхүү суулт зарласан юм. Тэд ЭМЯ-ны сайд С.Энхболдод ” Шүүхийн шийдвэр гарчхаад байхад цалинг өгөхгүй гурван жил боллоо, хийсэн ажлын хөлсөө авмаар байна, яаралтай шийдэж өг” гэсэн шаардлагыг хүргүүлж байгаа юм.
Хэрэв өнөөдөр шийдэж өгөхгүй бол суултыг өөр хэлбэрт шилжүүлнэ гэдгээ мөн хэллээ. Энэ компаниас гадна өөр олон компани, хувь хүмүүс цалин хөлсөө аваагүй бөгөөд сан хоолой, гагнуур, барилгын инженерийн ажлыг гүйцэтгэсэн хүмүүс суултад нэгдээд байна.
Харин ЭМЯ-наас энэ талаар гаргасан мэдэгдэлдээ Барилгын тухай хуулийн 14 дүгээр зүйлийн 14.8-д “Улс орон нутгийн төсөв, гадаадын зээл тусламжийн хөрөнгөөр санхүүжих барилга байгууламжид энэ хуулийн 14.3-т заасан хугацаанд гүйцэтгэгчээс хүлээсэн үүргийн биелэлтийг баталгаажуулах зорилгоор гэрээний үнийн дүнгийн тодорхой хувийг уг хугацаа дуустал барьцаалах нөхцөлийг төрийн байгууллага болон орон нутгийн өмчийн хөрөнгөөр бараа ажил үйлчилгээ худалдан авах хуулийн 43.6т заасны дагуу зохицуулна” гэж заасан байгаа. Ийм учраас гэрээний дүн болох өссөн дүгнээр 8 тэрбум 56 сая төгрөгийн 5% болох 402 сая төгрөгийг хуульд заасны дагуу барьцаалсан гэжээ.
Түүнчлэн ЭМЯ-ны Төрийн нарийн бичгийн дарга Ц.Эрдэмбилэг “Аливаа барилгыг ашиглалтад орсны дараа зүгшрүүлэх нэг жилийн хугацаа гэж байдаг. Энэ хугацаанд хүлээн авагч байгууллагаас барилгын хийц чанар шаардлага хангасан байна гэдэг дүгнэлт албан бичгээр гаргасан тохиолдолд ЭМЯ-наас таван хувьтай тэнцэх мөнгийг эргүүлэн өгдөг хуулийн заалттай.
Гэсэн ч 2020 онд ашиглалтад орсноос хойш Дорноговь аймгийн Замын-Үүд сумын нэгдсэн эмнэлгийн дарга У.Энхмаагаас тодруулахад өнөөдрийг хүртэл Арвис интернэшнл ХХК гэрээний дагуу барилгын засал чимэглэлийг хийгээгүй тул бидний зүгээс “Чанартай барилга хүлээн авсан” гэсэн тодорхойлолт гаргаж өгөх боломжгүй гэсэн хариултыг албан бичгээр өгсөн” гэлээ.
More Stories
Малайзын мафиас айгаад Монгол хүний амь нас өнчин ишигнээс ч үнэ цэнэгүй болох ёсгүй
2006 онд Малайз улсад Монгол Улсын иргэн Ш.Алтантуяагийн амь насыг онц хэрцгийгээр хөнөөсөн аймшигт хэрэг гарснаас хойш даруй 20 жил...
Nividia компани болон түүний гүйцэтгэх захирал Женсен Хуаныг хувьцаа эзэмшигчид нь шүүхэд өглөө
Мягмар гарагт дэлхийн технологийн салбарын томоохон зүтгэлтэн Женсен Хуан бас нэг шинэ асуудалтай тулгарлаа. Түүнийг болон түүний удирддаг Nvidia компанийг...
16 настай охины амийг хөнөөсөн Ц.Давгадорж нарт холбогдох хэргийн хяналтын шатны шүүх хуралдаан энэ сарын 29-нд болно
Улсын дээд шүүхийн хяналтын шатны эрүүгийн хэргийн 2026 оны аравдугаар сарын 29-ний өдрийн шүүх хуралдаанаар Ц.Давгадорж, Э.Ган-Эрдэнэ, Э.Номин-Эрдэнэ, Х.Энхсайхан нарт...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
Улс төрийн шинэчлэлийг өөрөөсөө, өөрийн намаас эхлүүлнэ
Нэг Монгол хөдөлгөөн, Реформ клубыг төлөөлөн Г.Занданшатар өнөөдөр Монгол Ардын Намын дарга Н.Учралд намын шинэчлэлийг бодит ажил хэрэг болгох, иргэдийн...
