Жанжин Д.Сүхбаатарын талбайд арванхоёрдугаар сарын 4-ний өдрөөс эхэлсэн жагсаал хоёр өдөр үргэлжлэв. Жагсаалд оролцогчид нүүрсний хулгайд холбогдсон албан тушаалтнуудад хариуцлага тооцохыг шаардаж байгаа.
Уг жагсаалыг бүртгүүлээгүй хэмээн Нийслэлийн Засаг дарга бөгөөд Улаанбаатар хотын Захирагч жагсаал, цуглааныг албадан тараах тухай захирамж өчигдөр орой гаргасан билээ.
Харин энэхүү захирамжийг оройдоо цуцалсан байна.
Тодруулбал “Иргэд тайван замаар жагсаж, үзэл бодлоо илэрхийлэн, цагдаагийн албан хаагчдыг хүндэтгэн, жагсаалаа сайн дураар өндөрлүүлж, үймээн самууны шинжтэй нөхцөл байдал ариллаа.
Иймд Нийслэлийн Засаг дарга “Жагсаал, цуглааныг тараах тухай” А/1517 тоот захирамжаа хүчингүй болгож, цагдаагийн алба хаагчид хамгаалалтаа буулгалаа” хэмээн Нийслэлийн Сургалт, судалгаа, Олон Нийттэй Харилцах Газраас мэдээлжээ.
