“Цагаан хад” чиглэлд хоёр ачааны автомашин мөргөлдөж, жолооч нар нь амиа алджээ

Өмнөговь аймгийн Цогтцэций сумаас “Цагаан хад” чиглэлд зорчиж явсан хоёр автомашин мөргөлдсөний улмаас гал гарч, жолооч нар нь нас баржээ.

Онцгой байдлын ерөнхий газраас мэдээлснээр Өмнөговь аймгийн Цогтцэций сумын Зайрмагт гэдэг тус сумаас “Цагаан хад” гэдэг газрын чиглэлд зорчиж явсан “Шаанкси” загварын ачааны автомашинууд хоорондоо мөргөлдсөний улмаас хоёр автомашины бүхээг, урд дугуй нь шатжээ.

Аврагчид галыг 24 минут ажиллаж унтраасан боловч харамсалтай нь гал түймэрт хоёр автомашины жолооч өртөж нас барсан байна.