Б.Мөнхбаатар: Нийтийн аж ахуйн 91 жилийн ойн баярын мэнд хүргэе

Нийтийн аж ахуйн үйлчилгээний ажилтны өдрийг тохиолдуулан тус салбарт хөдөлмөрлөж байсан үе үеийн ахмадууд болон салбарынхаа нийт ажилтнууд та бүхэнд чин сэтгэлийн мэндчилгээ дэвшүүлж байна.

​ Төв, суурин газарт ард, иргэдийн тав тухтай, эрүүл орчинд ажиллаж, амьдрах нөхцөлийг бүрдүүлэх, үйлчилгээний чанар, хүртээмжийг нэмэгдүүлэх, орчин үеийн дэвшилтэт техник технологи, инновац нэвтрүүлэх их үйлст тус салбарынхан хөдөлмөр зүтгэл, ажил бүтээлээрээ манлайлан оролцож байна.

​ Энэ хариуцлагатай буянтай ажлын төлөө 10 мянга гаруй ажилтан нийт хүн амыг шаардлага хангасан ундны усаар болон ариун цэврийн байгууламжийн суурь нөхцөлөөр хангах зорилго тавин ажиллаж байна.

​ Орон сууц, нийтийн аж ахуйн салбарын нийт хамт олон та бүхэндээ ололт амжилтаа бататган хүн амын эрүүл, аюулгүй, тав тухтай орчинд ажиллаж, амьдрах нөхцөлийг бүрдүүлэх их үйлсдээ улам өндөр амжилт гаргахыг хүсэн ерөөе.

ЗАСГИЙН ГАЗРЫН ГИШҮҮН, БАРИЛГА, ХОТ БАЙГУУЛАЛТЫН САЙД Б.МӨНХБААТАР