Жолооны ард тоглож байсан хүү нэг настай дүүгээ дайрчээ

Ховд аймгийн Манхан суманд нэг настай эмэгтэй хүүхэд авто машинд дайруулж, эндсэн хэрэгЦагдаагийн байгууллагад бүртгэгдсэн байна.

Тодруулбал, энэ сарын 15-ны өдөр Ховд аймгийн нутаг дэвсгэрт гурван настай хүү түлхүүр нь зоолттой, араандаа хийсэн машины жолооны ард сууж төрсөн дүү нэг настай Э-г /охин/ дайрсан хэрэг гарсан байна. Улмаар нэг настай охин амь насаа алдсан. Энэ хэргийг Ховд аймгийн цагдаагийн байгууллагаас шалгаж байгаа юм байна.

Эцэг эх, асран хамгаалагч та бүхэн бага насны хүүхэддээ тавих хараа хяналтаа сайжруулж, тээврийн хэрэгслээ бүрэн унтраах, хүүхдийг автомашинд хараа хяналтгүй орхихгүй байхыг анхааруулж байна.