Сүүлийн 10 жилд зам тээврийн ослоор 4,593 хүн амиа алджээ

Сүүлийн 10 жилд зам тээврийн ослын улмаас 4,593 хүн амь насаа алдаж, 42,489 хүн гэмтсэн талаар Тээврийн Цагдаагийн Алба (ТЦА)-ны судалгаанд дурдсан байна.

Энэ оны эхний таван сард хүүхэд өртсөн 123 зам тээврийн осол бүртгэгджээ. Үүний улмаас

23 хүүхэд амь хохирч
127 хүүхэд хүнд, хөнгөн гэмтэл авчээ.
Автомашинд зорчиж явахдаа эцэг эхчүүд өөрсдөө хамгаалах бүсээ зүүдэг ч хүүхдэдээ анхаардаггүй. Ялангуяа, хүүхдээ өвөр дээрээ аваад машиныхаа урд суудалд суух хандлага иргэдийн дунд бий. Осол гарсан тохиолдолд хүүхэд урд талын цонхыг мөргөж, шидэгдэх эрсдэлт нөхцөл үүсдэг. Тиймээс зориулалтын суудалд суулгаж, аюулгүй байдлыг хангах хэрэгтэй гэдгийг ТЦА-ны Урьдчилан сэргийлэх хэлтсийн зохицуулагч, ахмад Б.Энхболд хэлж байсан.