Засгийн газар ээлжит бусаар хуралдаж байна

Засгийн газар долоо хоног бүрийн лхагва гаригт ээлжит хуралдаанаа хийдэг. Харин одоо ээлжит бусаар хуралдаж байна. Учир нь, Ерөнхий сайд Л.Оюун-Эрдэнэ маргааш Сингапур улсад албан ёсны айлчлал хийх юм.

Засгийн газрын ээлжит бус хуралдаанаар Оюутолгой ордоос Монгол Улсын хүртэх үр ашгийг нэмэгдүүлэх арга хэмжээний тухай УИХ-ын 2021 оны 103 дугаар тогтоолын хэрэгжилтийг зохион байгуулах зарим арга хэмжээний тухай, Төрийн хэмнэлтийн тухай хуулийн хүрээнд автомашины ашиглалтад хязгаарлалт тавих арга хэмжээний явц, Усны нөөцийг хуримтлуулж, говийн бүсийн ус хангамжийн хүртээмжийг нэмэгдүүлэх төслүүд зэрэг 30 гаруй асуудал хэлэлцэхээр төлөвлөжээ.