НҮБ-ын Шилжилт Хөдөлгөөний Байгууллагын удирдлага дор Монгол Улсын хэмжээнд Улаанбаатар хот болон орон нутгийн 13 Төрийн бус байгууллага үйл ажиллагаа явуулдаг. Тэдгээр ТББ-даар дамжуулан “Нүүх үү, суух уу, төлөвлөе” мэдээллийн өдөрлөгийг 6-р сарын 6-12-нд улсын хэмжээнд зохион байгууллаа. Улаанбаатар хотод үйл ажиллагаа явуулдаг Шударга дэнс төв болон бусад төрийн бус байгууллага хамтран Нийслэлийн үйлчилгээний нэгдсэн төвийн Драгон, Дүнжингарав салбар болон Нарантуул олон улсын худалдааны төв дээр шилжин суурьшигчдад зориулсан мэдээллийн өдөрлөгөө долоо хоног хийжээ.
ТББ-ын төлөөлөгчид иргэдтэй уулзан бичиг баримтын зөрчлийг хэрхэн арилгах, шилжилт хөдөлгөөнөө хийлгэсний давуу талыг таниулж, тэдэнд тохирсон зөвлөгөө, мэдээлэл, үйлчилгээг 700 гаруй иргэнд үзүүлжээ.
Энэхүү компанит ажлыг хийснээр Улсын хэмжээнд шилжилт xөдөлгөөний нэгдсэн бодлоготой болоx, шилжин суурьших гэж буй иргэн, өрх урьдчилаад төлөвлөж амьдрал, ахуйгаа зөв зохицуулах дадалтай болох юм. Шударга дэнс төвөөс “Мэдээллийн өдөрлөгийг хийхэд хамтран ажилласан Нийслэлийн ЗДТГ, НҮНТ-үүд, донор байгууллага болох Швейцарын хөгжлийн агентлаг, НҮБ-ын ШХБ болон бусад дэмжин ажилласан байгууллагад баярлалаа” хэмээн талархал илэрхийллээ.
Мигнэт сүлжээний ТББ-д 2021 онд шилжин суурьшигчдыг мэдээллээр хангаж, эмзэг байдлыг бууруулах төслийг амжилттай хэрэгжүүлж, 35 мянга орчим иргэнд мэдээлэл өгч, 1415 иргэнд нийгэм сэтгэлзүйн дэмжлэг үзүүлжээ.
