“Эрдэнэт үйлдвэр” ТӨҮГ буруутай албан тушаалтны төлөх 108 сая төгрөгийг байгууллагаас төлүүлжээ

“Эрдэнэт үйлдвэр” ТӨҮГ буруутай албан тушаалтны төлөх 108 сая төгрөгийг байгууллагаас төлүүлсэн байна.

Тодруулбал, Төрийн аудитын тухай хуулийн дагуу Аудитын байгууллагаас “Эрдэнэт үйлдвэр” ТӨҮГ-ын 2021 оны санхүүгийн тайланд хяналт шалгалт хийжээ. Шалгалтаар нийт 230,946.6 сая төгрөгийн 18 алдаа зөрчил илэрсэн байна.

Ажлаас үндэслэлгүй халагдсан ажилтнуудад шүүхийн шийдвэрийн дагуу 108.0 сая төгрөгийн нөхөн төлбөр олгохдоо байгууллагаас төлж, буруутай албан тушаалтнаар төлүүлээгүй байна.

Захиргааны ерөнхий хуулийн 103.1. “Иргэн, хуулийн этгээдийн хохирлыг барагдуулсны улмаас өөрт учирсан хохирлыг захиргааны байгууллага Иргэний хуулийн 498.5-д заасны дагуу гэм буруутай албан тушаалтнаар буцааж төлүүлнэ’’ гэж заасан байдаг.