Нийслэлийн Засаг даргын Барилга, орон сууц, үйлдвэр, технологийн паркийн асуудал хариуцсан орлогч Б.Сүхбаатар Дэлхийн банкны Гамшгийн эрсдэлийн удирдлагын ахлах мэргэжилтэн Пунам Пиллайг хүлээн авч уулзлаа. Уулзалтын үеэр “Эмээлт эко аж үйлдвэрийн парк”-ын ажлын явц, энэ хүрээнд хэрэгжүүлэхээр төлөвлөж байгаа “Улаанбаатар хотын өрсөлдөх чадвар, нөхөн сэргээлтийг дэмжих төсөл”-ийн хэрэгцээ, шаардлага, цаашид хэрэгжүүлэх арга хэмжээ болон нийслэлийн зүгээс хэрхэн хамтарч ажиллах талаар санал солилцлоо.
Энэхүү төсөл нь хотын иргэдийн амьдрах орчныг сайжруулах, хаягдалгүй, ногоон эдийн засгийг хөгжүүлэх зорилгоор Хан-Уул дүүргийн 20-р хороонд үйл ажиллагаа явуулж буй арьс шир, ноос ноолуур боловсруулах үйлдвэрүүдийг нүүлгэн шилжүүлж, мал аж ахуй, малын гаралтай түүхий эдийг боловсруулан, аж үйлдвэрийг хөгжүүлэх зорилготой юм.
Нийслэлийн зүгээс энэ төслийг төр, хувийн хэвшлийн түншлэлийн хүрээнд хэрэгжүүлэхээр зорьж буй. Энэ оны аравдугаар сар гэхэд төслийн үнэлгээний баримт бичгийг эцэслэн дуусгах, судалгаа, үнэлгээнүүдийг хийж, төр, хувийн хэвшил хэрхэн хамтарч ажиллах, үйлдвэрүүдийг нүүлгэн шилжүүлэхдээ баримтлах стратеги, хаягдалгүй эдийн засаг бий болгохын тулд ямар үйлдвэр барих, жижиг, дунд үйлдвэрлэлээ хэрхэн дэмжих зэргийг төлөвлөх юм.
Уулзалтын төгсгөлд Дэлхийн банкны айлчлалын багаас Улаанбаатар хотын уур амьсгалын өөрчлөлтийг хэрхэн даван туулах, ямар арга хэмжээ авч хэрэгжүүлэх хэрэгтэй талаар хийсэн судалгаагаа нийслэлийн харьяа байгууллагуудад танилцуулах хүсэлтээ илэрхийлэв. Нийслэлийн Засаг даргын орлогч Б.Сүхбаатар хүсэлтийг хүлээн авч, судалгааны үр дүнг нийслэлийн нутгийн захиргааны байгууллагуудад танилцуулж, зөвлөгөө өгөх арга хэмжээг хамтран зохион байгуулахаар боллоо.
НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР
More Stories
Ерөнхий сайд Л. Оюун-Эрдэнэ: Засгийн газар хүүхэд хамгааллаас гадна хүүхэд хөгжлийн асуудалд онцгой анхаарна
Монгол Улсын Ерөнхий сайд Л.Оюун-Эрдэнийн тэргүүлдэг Хүүхдийн төлөө Үндэсний зөвлөл өнөөдөр шинэчилсэн бүрэлдэхүүнээр хуралдлаа. Монгол Улсад Хүүхдийн байгууллага үүсэж хөгжсөний...
Ерөнхий сайд Л.Оюун-Эрдэнэ Улаанбаатар хотын I тойрог замын төсөлтэй танилцаж, шуурхай штабын гишүүдэд үүрэг даалгавар өглөө
Ерөнхий сайд Л.Оюун-Эрдэнэ 2025 оны нэгдүгээр сарын 18-ны бямба гарагт нийслэл Улаанбаатар хотын агаарын бохирдлыг бууруулах, дэд бүтцийн бүтээн байгуулалтын...
Зайсангийн хуучин гүүрийг маргааш хаана
Зайсангийн зүүн гүүр буюу хуучин гүүрний хөдөлгөөнийг нэгдүгээр сарын 10-наас долдугаар сарын 10-ны өдөр хүртэл бүрэн хааж, буулган шинэ гүүр...
Б.Пүрэвдорж: Б.Батцэцэг сайд аа дандаа МАН-ын хүн оруулж ирэхгүй шүү. Хамтарч байгаа учраас томилгоог хамтарч хийх ёстой
УИХ-ын чуулганы өнөөдрийн хуралдаанаар БНПУ-д суух Элчин сайдыг томилох асуудлыг хэлэлцэв. Энэ үеэр УИХ-ын гишүүн Б.Пүрэвдорж Элчин сайдын томилгоотой холбоотой...
Агаарын бохирдолд гэр хорооллын утаа 58-60 хувь, авто тээврийн хэрэгслийн утаа 28-30 хувьтай нөлөөлж байна
Улаанбаатар хотод өдөр тутамд 500,000-600,000 орчим автотээврийн хэрэгсэл замын хөдөлгөөнд оролцдог. Энэ тоо зарим баярын өдрүүдэд 800,000 хүрдэг байна. Мөн...
Стартап компаниудыг олон улсад гаргахад хамтарсан хөтөлбөр хэрэгжүүлнэ
Цахим хөгжил, инновац, харилцаа холбооны сайд Ц.Баатархүү Бүгд Найрамдах Социалист Вьетнам Улсаас Монгол Улсад суугаа Онц бөгөөд Бүрэн Эрхт Элчин...