Гадаа тоглож байсан гурван настай хүү алга болжээ

Өвөрхангай аймгийн Уянга сумын Таац багийн нутаг аймгийн төвөөс баруун хойд зүгт 190 км-т, сумын төвөөс баруун зүгт 120 км зайд орших Баруун голын шаахам зураа хэмээх газарт тавдугаар сарын 15-ны 17.30 цагийн орчимд бага насны хүүхэд гэрийнхээ гадна тоглож байгаад сураггүй болжээ. Энэ дуудлагыг тавдугаар сарын 16-ны 05:35 цагт аймгийн Онцгой байдлъын газар хүлээн авсан байна.

Тус сумын Таац багийн Засаг даргаар ахлуулсан сумын мэргэжлийн ангийнхан, орон нутгийн иргэд гурван настай хүүг эрэн хайх ажиллагааг зохион байгуулж байна.

Өвөрхангай аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид 05.16-ны өдрийн 06:32 цагт хүч нэмэгдүүлэн ажиллахаар хөдөлсөн хэмээн ОБЕГ-аас мэдээлэв.