“МАН-ын дарга Л.Оюун-Эрдэнэ, ерөнхийлөгч асан Х.Баттулга нар Хөгжлийн банкны сонсголд оролцох ёстой”

Хөгжлийн Банкны асуудлаарх нээлттэй сонсгол Төрийн ордонд үргэлжилж байна. 

Энэ үеэр УИХ-ын гишүүн Т.Доржханд “МАН-ын дарга Л.Оюун-Эрдэнэ, ерөнхийлөгч асан Х.Баттулга нар сонсголд оролцох ёстой. Төрийн өмчит компаниудын 762 тэрбум төгрөгийн зээлийг Засгийн газар руу шилжүүлэх гэж байгаа нь буруу. Эдгээр чанаргүй зээлийг татвар төлөгчид төлөх ёсгүй. Фортуна Батбаяр энэ сонсголд оролцох ёстой. Энэ хүн Н.Мөнхбат гэж залуугаар тоглоод өнгөрсөн. Х.Баттулга мөн Ц.Ууганбаяр гэж зөвлөх нь байсан залууг Хөгжлийн  банкны чанаргүй зээлдэгч болгочхоод одоо болохоор би энэ хүнийг танихгүй гэжээ. Залуучуудаар ингэж тоглох нь буруу. Одоо энэ хүн АН-ын дарга болох гээд явж байна. АН энэ хүндээ хариуцлага тооцох ёстой. Хөгжлийн банкны удирдлагуудаас 7 хүнийг хорьсон. Гэхдээ одоо Монголбанкны Тэргүүн дэд ерөнхийлөгч Г.Дөлгөөнийг яагаад хорихгүй, шалгахгүй байгаа юм бэ? Энэ хүн Хөгжлийн банкны Эрсдэлийн газрыг удирдаж байсан. Яагаад орхив? Та нар сугалж үлдээгээд, нутаг орноороо ялгаж салгаад байна уу” гэв.