Гурван настай хүүхэд цонхоор унажээ

Өнөөдөр өглөө 08:20 минутад Ховд аймгийн тавдугаар цэцэрлэгийн цонхноос гурван настай хүүхэд унасан хэрэг гарчээ.

Тус хүүхэд Ховд аймгийн эмнэлгийн гэмтэлийн тасагт хэвтэн эмчлүүлж байгаа аж.

Энэ талаар Ховд аймгийн эмнэлгийн эрхлэгч эмч Цэрэнбадам хэлэхдээ ” Өндрөөс унасан байдалтай яаралтай түргэн тусламжид ирсэн. Манай эмч нар компьютер томограф болон бүх төрлийн шинжилгээ авсан. Хүүхдийн биеийн байдал тогтвортой байна. Нэлээн өндрөөс унасан байсан. Дунд чөмөг хугарсан, тархи доргисон ийм байдалтай ирсэн. Хугарлыг засаж шохойдож бэхэлсэн. Доргилтын талаас эмэн эмчилгээ хийгдээд явж байгаа. Хүүхдийн бие тогтвортой байгаа” гэлээ.