Хэрэглээний бараа, үйлчилгээний үнэ энэ оны хоёрдугаар сард улсын хэмжээнд өмнөх оны мөн үеийнхээс 14.2, өмнөх оны эцсийнхээс 3.1, өмнөх сарынхаас 1.1 хувиар нэмэгдлээ.
Хэрэглээний бараа, үйлчилгээний үнэ 2 дугаар сард өмнөх оны мөн үеийнхээс 14.2 хувиар нэмэгдэхэд хүнсний бараа, ундаа, усны бүлгийн үнэ дүнгээрээ 18 (мах, махан бүтээгдэхүүн 16.6 хувь, согтууруулах бус ундааны дэд бүлгийн үнэ 15.9 хувь), согтууруулах ундаа, тамхины бүлгийн үнэ дүнгээрээ 7.5, хувцас, бөс бараа, гутлын бүлгийн үнэ дүнгээрээ 11.1, орон сууц, ус, цахилгаан, хийн болон бусад түлшний бүлгийн үнэ дүнгээрээ 15, эм тариа, эмнэлгийн үйлчилгээний бүлгийн үнэ дүнгээрээ 13.1, тээврийн бүлгийн үнэ дүнгээрээ 21.5 хувиар нэмэгдсэн нь нөлөөлжээ.
Харин өмнөх оны эцсийнхээс 3.1 хувиар нэмэгдэхэд хүнсний бараа, ундаа, усны бүлгийн үнэ дүнгээрээ 4.6, согтууруулах ундаа, тамхины бүлгийн үнэ дүнгээрээ 1.4, хувцас, бөс бараа, гутлын бүлгийн үнэ дүнгээрээ 4.3, орон сууц, ус, цахилгаан, хийн болон бусад түлшний бүлгийн үнэ дүнгээрээ 2.4, эм тариа, эмнэлгийн үйлчилгээний бүлгийн үнэ дүнгээрээ 6.7 хувиар нэмэгдсэн нь нөлөөлсөн аж. Түүнчлэн, дээрх үнэ 2 дугаар сард өмнөх сарынхаас 1.1 хувиар нэмэгдэхэд хүнсний бараа, ундаа, усны бүлгийн үнэ дүнгээрээ 1.1, хувцас, бөс бараа, гутлын бүлгийн үнэ дүнгээрээ 1.3, эм тариа, эмнэлгийн үйлчилгээний бүлгийн үнэ дүнгээрээ 3.3 хувиар нэмэгдсэн нь нөлөөлжээ.
Инфляцын түвшин буюу хэрэглээний бараа, үйлчилгээний үнэ 2019 оны 2 дугаар сард 6.9 хувь, 2020 оны 2 дугаар сард 6.4 хувь, 2021 оны 2 дугаар сард 2.6 хувь гарч байсан бол энэ оны 2 дугаар сард 14.2 хувь болж, өмнөх оны мөн үеийнхээс 11.6 нэгж хувиар нэмэгдсэн байна. Инфляцын түвшин буюу хэрэглээний бараа, үйлчилгээний үнэ 2 дугаар сард улсын хэмжээнд 14.2 хувь гарсны 5.1 нэгж хувь буюу 35.9 хувь нь хүнсний бараа, ундаа, усны бүлгийн үнийн өсөлтөөс шалтгааллаа.
Хэрэглээний бараа, үйлчилгээний сагсанд 373 нэр төрлийн бараа бүтээгдэхүүн, үйлчилгээ, Улаанбаатар хотын хэмжээнд 344 нэр төрлийн бараа бүтээгдэхүүн, үйлчилгээний үнийг судалдаг. Нийт 373 нэр төрлийн бараа бүтээгдэхүүн, үйлчилгээний 200 нь импортын бараа, бүтээгдэхүүн байв. Энэ нь нийт жингийн 45.5 хувийг эзэлж байгаа аж.
Инфляц 2022 оны 2 дугаар сард 14.2 хувь гарсны 50.7 хувь нь импортын барааны үнийн өсөлтөөс шалтгааллаа. Импортын барааны үнийн өсөлтийн нөлөөлөл нь өмнөх оны мөн үеийнхээс 16.1, өмнөх сарынхаас 3.4 нэгж хувиар нэмэгдсэнийг Үндэсний статистикийн хороо мэдээлэв.
Хүнсний барааны бүлгийн үнэ өмнөх оны мөн үеийнхээс 2021 оны 2 дугаар сард 8.1 хувиар, 2022 оны 2 дугаар сард 16.7 хувиар нэмэгдэж, өсөлтийн хурдац 8.6 нэгж хувиар, хүнсний бус бараа, үйлчилгээний бүлгийн үнэ 2021 оны 2 дугаар сард 0.1 хувиар, 2022 оны 2 дугаар сард 13 хувиар нэмэгдэж, өсөлтийн хурдац 12.9 нэгж хувиар нэмэгджээ. Төвийн бүсэд энэ оны 2 дугаар сард хүнсний бүлгийн үнэ өмнөх оны мөн үеийнхээс 17.6, нийслэлд хүнсний бус бүлгийн үнэ 14.7 хувиар нэмэгдсэн нь хамгийн өндөр байв.
Барааны бүлгийн үнэ 2021 оны 2 дугаар сард өмнөх оны мөн үеийнхээс 3.0 хувиар, 2022 оны 2 дугаар сард 16.1 хувиар нэмэгдэж, өсөлтийн хурдац 13.1 нэгж хувиар, үйлчилгээний бүлгийн үнэ 2021 оны 2 дугаар сард 1.4 хувиар, энэ оны 2 дугаар сард 8.3 хувиар нэмэгдэж, өсөлтийн хурдац 6.9 нэгж хувиар нэмэгдсэн аж.
Улаанбаатар хотод энэ оны 2 дугаар сард барааны бүлгийн үнэ 17.5, үйлчилгээний бүлгийн үнэ 10.3 хувиар нэмэгдсэн нь хамгийн их байна. Мах, махан бүтээгдэхүүний үнэ 2 дугаар сард өмнөх сарынхаас 1.6 хувиар нэмэгдэхэд үхрийн махны үнэ 0.1, хонины махны үнэ 3 хувиар, өмнөх оны мөн үеийнхээс 16.6 хувиар нэмэгдэхэд үхрийн махны үнэ 14.8, хонины ястай махны үнэ 16 хувиар нэмэгдсэн нь нөлөөлжээ.
нэм нэм өшөө нэм