Энэ оны хоёрдугаар сарын 27-нд Өвөрхангай аймгийн хойд хэсгээр 0.0-3.0 мм цас орж, энэ үеэр салхины дундаж хурд секундэд 10-14 метр хүртэл ширүүсэн, цасан шуурга 01:10-03:13 цаг үргэлжлэн аюултай үзэгдэл ажиглагдсан байна.
Мөн 27-28-нд шилжих шөнө Дундговь аймгийн нутгийн хойд хэсгээр 0.0-3.0 мм цас орж, энэ үеэр салхины дундаж хурд секундэд 10-12 метр хүртэл ширүүсэж, цасан шуурга 01:12-02:29 цаг үргэлжлэн аюултай үзэгдэл ажиглагдсан болохыг Цаг уур, орчны шинжилгээний газраас мэдээллээ.
Хоёрдугаар сарын 27-нд баруун болон төвийн аймгуудын ихэнх нутгаар 6.0 мм, 27-28-нд шилжих шөнө төвийн аймгуудын нутгийн өмнөд, говийн аймгуудын нутгийн зарим газраар 0.0-4.0 мм цас орсон байна.
Өнөөдөр өглөөний 08:00 цагийн Цаг уурын өртөө, харуулын цасны зузааны мэдээгээр баруун болон төв, зүүн аймгуудын ихэнх нутаг, говийн аймгуудын нутгийн баруун хэсгээр 1-25 см зузаан цасан бүрхүүл тогтсоноос хамгийн их нь Увсын Малчинд 26 см, Хөвсгөлийн Ренчинлхүмбэд 18 см, Увсын Баруунтуруун, Зүүнговь, Сэлэнгийн Бугантад 15 см, Хөвсгөлийн Цагааннуурт 14 см, Баян-Өлгийн Даян, Завханы Тосонцэнгэл, Баян-Уулд 13 см, Увсын Хяргас, Завханы Тэс, Хөвсгөлийн Цагаан-Үүрт 12 см, Ховдын Ховдод 11 см, бусад хэсгээр 1-10 см зузаан цасан бүрхүүл тогтжээ.
Ихэнх нутгаар дулаарч Увс нуурын хотгор болон Тэс голын хөндийгөөр -15…-20 градус, Дархадын хотгор, Завхан, Идэр голын хөндийгөөр -11…-15 градус, Алтай, Хангай, Хөвсгөл, Хэнтэйн уулархаг нутаг, Их нууруудын хотгор, Хүрэнбэлчир орчим, Орхон, Сэлэнгэ, Хараа, Ерөө, Туул, Тэрэлж, Онон, Улз, Халх голын хөндий, Дарьгангын нутгаар -6…-11 градус, говийн бүс нутгийн өмнөд хэсгээр +3…+10 градус, бусад нутгаар -5 хүйтнээс +2 градус дулаан байв гэж ЦУОШГ-аас мэдээллээ.
+ There are no comments
Add yours