Манай улсаас БНСУ-д 2021 оны дөрөвдүгээр улиралд 154 иргэн цалин хөлс, орлого олох зорилгоор хөдөлмөрийн гэрээгээр ажиллахаар зуучлагдсан болохыг Үндэсний статистикийн хорооноос мэдээллээ.
Эдгээр 154 иргэн бүгд боловсруулах үйлдвэрлэлийн салбарт ажил эрхлэхээр зуучлагджээ.
Хөдөлмөрийн гэрээгээр гадаад улсад зуучлагдсан иргэн нь цалин хөлс, орлого олох зорилгоор хөдөлмөрийн гэрээгээр ажиллахаар зуучлагдсан хүмүүс юм.
Ажил эрхлэхээр хөдөлмөрийн гэрээгээр зуучлагдсан иргэдийн 147 (95.5%) нь эрэгтэй бол долоо (4.5%) нь эмэгтэй аж.
Хөдөлмөрийн гэрээгээр гадаад улсад хөдөлмөр эрхлэхээр зуучлагдсан иргэдийн хамгийн их буюу 35.1 хувь нь 25-29 насныхан, 31.8 хувь нь 30-34 насныхан байгаа бол хамгийн бага буюу 1.3 хувь нь 40-44 насныхан байна.
График. Хөдөлмөрийн гэрээгээр гадаад улсад зуучлагдсан иргэд, насны бүлэг, хүйс, дүнд эзлэх хувиар, 2021 оны дөрөвдүгээр улирлын байдлаар
Хөдөлмөр эрхлэхээр зуучлагдсан иргэдийг боловсролын түвшнээр нь харвал,
76 (49.4%) нь бүрэн дунд,
47 (30.5%) нь бакалаврын дээд,
20 (13.0%) нь тусгай мэргэжлийн дунд,
8 (5.2%) нь магистр, доктор,
3 (1.9%) дипломын дээд боловсролтой байна.
+ There are no comments
Add yours