Коронавирусийн халдвар аваад гэрээр эмчлүүлж буй иргэдэд өрхийн эмнэлгээс нь эмийн багц олгодог. Тэгвэл эмийн багцыг хоёр дахь удаагаа халдвар авсан иргэдэд олгохгүй байхаар ЭМДЕГ-аас шийдвэрлэсэн гэх мэдээлэл гарсан. Энэ талаар ЭМДЕГ-аас тодруулахад “Коронавируст халдвараар давтан өвдөж гэрээр эмчлүүлж байгаа иргэдэд эмийн багц олгохгүй байх шийдвэр гаргаагүйг албан ёсоор мэдэгдэж байна. Бид өрхийн эмнэлгүүдэд шаардлагатай санхүүжилтыг олгоод явж байна. Ингэхдээ өрхийн эмнэлгээс ирүүлсэн мэдэгдэлд үндэслэдэг” гэсэн юм.
+ There are no comments
Add yours