Ялсан компани шалгарахгүй юм бол нээлттэй зарлах хэрэг байна уу, Х.Бадамсүрэн захирлаа!!!!

Ийн хэлэх болсон учир нь 2021 оны 12 дугаар сарын 09-нд Эрдэнэт төрийн өмчит үйлдвэрт шаардлагатай байгаа “Хүчний трансформатор” нээлттэй тендертэй хамааралтай юм.

Уг тендерт МЕСА инженеринг \8.584.514.400\, Эрчим электрик \8.737.999.999\, Гарнетбрилиант \8.742.600.000\, Ноёнсайхан \8.479.000.000\, Электрикком \6.848.693.996\ гэсэн үнийн санал өгөн өрсөлдсөн байдаг.

Харин тус үйлдвэрээс ном журмын дагуу нээлттэй тендер зарласан ч холбогдох хуулийн дагуу материал бүрдүүлж орон тендерт ялсан компаний баталгаажуулалтыг хийж гарын үсэг зурах ёстой эрх мэдэл бүхий дарга нар гэдийж эхэлжээ. Сонгон шалгаруулалтын хуулиар Сангийн яаманд Тендерийн хүчинтэй хугацааг 14 хоногоор сунгах хүсэлт гаргадаг.

Гэтэл энэ хүсэлтийг хүчингүй болгох гэж гарын үсгээ зурахгүй, эрх мэдлийнхээ давуу байдлыг ашиглан албаар тогтсон хугацааг дуусгавар болгож дахин тендер зарлах гэж улайрсан Эрдэнэт үйлдвэрийн захирал Х.Бадамсүрэн, Санхүү эрхэлсэн орлогч захирал Үүрийнтуяа, Хөрөнгө оруулалт, худалдан авах ажиллагааны дарга Бямбадагва, Худалдан авах ажиллагааны дарга Батхишиг нар санаатайгаар хууль зөрчиж, гарын үсгээ зурахгүй, мэдэгдэх хуудас гаргахгүй гацааж байгаа нь ашиг сонирхолын асар их зөрчилтэй байгааг харуулж байгаа юм.

Учир нь тэд ийнхүү гарын үсгээр гацааж, нээлттэй тендерийн хугацааг дуусгавар болгохоор чичирч байгаа нь найман тэрбумын өртөгтэй энэ ажлыг ялсан компанид биш ханцуйндаа нуусан хамаарал бүхий компанидаа өгөхөөр тохиролцоо хийсэнтэй холбоотой гэнэ. Тэд ийм ажилд гаршсан, анх удаа ч ингэж байгаа биш бөгөөд өмнө нь зарласан тендерт ялсан компанид мэдэгдэх хуудас өгөхгүй, гарын үсгийг зурахгүй байсаар хуулийн хугацааг дуусгаж дахин зарлаж байсан туршлагатай. Тиймээс тендерт зарласан нэрээр хүмүүсийг хохироож байхаар нэг мөр Эрдэнэтийн тендерт эрх бүхий албан тушаалтнуудын хэдхэн компани ээлжилж ялах ёстой гээд тамгалчихвал амар биш үү, Х.Бадамсүрэн дарга аа!!!!