Чевнингийн тэтгэлгийн бүртгэл эхэллээ

Их Британийн Засгийн газраас жил бүр зарладаг нэг жилийн магистрын Чевнингийн тэтгэлэгт хөтөлбөрийн бүртгэл энэ сарын 3-нд эхэллээ. Бүртгэл 11 дүгээр сарын 3-ныг хүртэл үргэлжлэх бөгөөд дараах холбоосоор бүртгүүлэх юм.  

Тавигдах шаардлагууд

Хөтөлбөрөө дуусгаад 2 жилийн дотор эх орондоо эргэж ирэх нөхцөлийг зөвшөөрөх 

Бакалаврын голч оноо 3,0 ба түүнээс дээш 

2 ба түүнээс дээш жил ажилласан туршлагатай. /үүнд хагаас цагаар болон сайн дурын ажил хийсэн бол тооцогдоно/ 

2022 оны долоодугаар сарын 13-нд Англи хэлний тавигдах шаардлагыг хангасан байх /IELTS 6.5 оноо, TOEFL IBT 79 оноо/ 

Өнгөрөгч 2020 онд Их Британийн Засгийн газар олон улсын манлайлагч 1500 оюутнуудад Чевнингийн тэтгэлгээр 100 гаруй их дээд сургуулийн 14 мянган орчим хөтөлбөрт суралцах боломжийг олгосон байна.