Дөрвөн хоногт коронавирусээр 60 иргэн нас барлаа

Өнгөрсөн 24 цагт коронавируст халдварын улмаас 15 хүн эндэв.
Тодруулбал,

12-15 хоног эмчлүүлсэн 41-50 насны хоёр хүн

10-13 хоног эмчлүүлсэн 51-59 насны хоёр хүн

7-13 хоног эмчлүүлсэн 60-70 насны дөрвөн хүн

4-10  хоног эмчлүүлсэн 80-аас дээш насны долоон хүн коронавируст халдварын нэн хүнд хэлбэрээр нас барлаа.
Даваа гарагт уг өвчний хүндрэлээр мөн 15 хүн эндсэн нь цар тахал гарснаас хойш нэг хоногийн дотор хамгийн олон хүн эндсэн өдөр болсон.
Тухайн өдрөөс эндэгдлийг тоо буурахгүй байсаар дөрөвхөн хоногийн дотор коронавируст халдварын шалтгаанаар бид 60 иргэнээ алджээ.

Өнөөдрийн байдлаар улсын хэмжээнд коронавируст халдвараар өвчлөөд эндсэн хүний тоо 599-д хүрээд байна. Үүнээс 578 хүнийг уг өвчний хүндрэлээр эндсэн гэж Эрүүл мэндийн яамнаас мэдээлж байгаа бол 21 хүнийг хавсарсан өвчин болон бусад шалтгаанаар нас барсан гэж үзэж буй.

Талийгаачдын гэр бүл, төрөл төрөгсдөд гүн эмгэнэл илэрхийлье.