Коронавирусээр нийт 19 хүн нас барлаа

Сүүлийн 24 цагт 714 хүнээс коронавирус илэрч, нэг хүн нас барлаа.

Ингэснээр Монгол Улсын хэмжээнд бүртгэгдсэн халдварын тохиолдол 13494 боллоо. Эмнэлгээс эдгэрч гарсан хүний тоо 382, нийт эдгэрсэн 8522 хүн байна. Мөн гэрийн тусгаарлалтад байгаа 40 орчим хүн эдгэрчээ.

Сүүлийн 24 цагт нэг хүн нас барсан байна. Ингэснээр Ковид-19 өвчнөөр нас барсан хүний тоо 19 боллоо.

Улаанбаатар хотод 630 тохиолдол бүртгэгдсэн бөгөөд төвийн зургаан дүүргийн бүх хороодоос илэрчээ. Орон нутагт 84 тохиолдол илэрч нийт тохиолдол 1773 боллоо.