Л.Оюун-Эрдэнэ: Иргэн бүрт гурван зуун мянган төгрөгийн дэмжлэг олгоно

Засгийн газар Бямба гарагаас эхлэн бүх нийтийн бэлэн байдлын зэрэгт шилжихтэй холбоотой асуудлаар мэдээлэл хийж байна.

Энэ үеэр Ерөнхий сайд Л.Оюун-Эрдэнэ: Энэ хөл хорио сүүлчийнх байгаасай гэж чин сэтгэлээсээ хүсэж байна. Эдийн засгаа дэмжих үүднээс нөхөн төлбөр буюу дэмжлэгийг иргэддээ өгөхөөр шийдлээ. Иргэн бүрт гурван зуун мянган төгрөгний дэмжлэг олгоно.

2021 оны хоёрдугаар сарын 25-нд төрийн санд 229.7 тэрбум төгрөг төвлөрсөн. Энэ нь Оюутолгойгоос татварт төвлөрүүлэх ёстой байсан мөнгө гэсэн үг. Гуравдугаар сарын 4-нд 419.1 тэрбум, 30-нд 365.5 тэрбум төгрөг буюу нийт 1 их наяд 26.5 тэрбум төгрөг төрийн санд төвлөрсөн.

Засгийн газраас баялагтаа эзэн байх зорилтыг дэвшүүлж байгаагийн хувьд болон вакцинжуулалтаа үр дүнд хүргэж, эдийн засгаа тогтвортой нээхийн тулд, иргэдээ хөл хорионы хугацаанд сөхрөөхгүйн тулд уг эх үүсвэрээ иргэн бүртээ зориулах нь шударга ёсонд нийцнэ гэж үзсэн” гэв.