ЭМЯ: 831 тохиолдол шинээр бүртгэгдэж, нэг хүн нас барлаа

ЭМЯ-наас коронавируст халдварын цаг үеийн мэдээллийг өглөө. Сүүлийн 24 цагт улсын хэмжээнд 831 тохиолдол шинээр бүртгэгдэж, нэг хүн нас барлаа. Энэ нь нэг өдөрт бүртгэгдсэн хамгийн олон халдвар юм.

Ингэснээр Монгол Улсад бүртгэгдсэн коронавируст халдварын нийт 11,651 тохиолдол боллоо.

Өнгөрсөн 24 цагийн хугацаанд 79 хүн эдгэрч эмнэлгээс гарлаа. Өнөөдрийн байдлаар эдгэрсэн хүний тоо нийт 6010 болоод байгаа юм.

Мөн өчигдөр дахин нэг хүн коронавируст халдварын улмаас нас барсан харамсалтай мэдээлэл байна. Одоогоор COVID-19-ийн улмаас нас барсан хүний тоо 13 боллоо.

Өнөөдрийн байдлаар эмнэлэгт хэвтэн эмчлүүж буй 2,480 хүний биеийн байдлыг үнэлбэл,

Хөнгөн-2,130
Хүндэвтэр-279
Хүнд-60
Маш хүнд-11 хүн байгаа юм.