Н.Түвшинбаярыг цагдан хорилгүй эмнэлэг рүү нь буцаажээ

Монгол Улсын гавьяат тамирчин, МҮОХ-ны ерөнхийлөгч, Олимпийн аварга Н.Түвшинбаяр багын найз өсөх идэр начин Э.Энхбатыг зэрлэгээр зодож, хүнд бэртээсэн харамсалтай хэрэг гарсан. Э.Энхбатын биеийн байдал маш хүнд, сэхээнд байгаа билээ.

Тус хэргийн талаар Улсын начин Э.Энхбатын гэргий Б.Нандинцэцэг “Миний хань одоо сэхээнд, биеийн байдал маш хүнд байна. Н.Түвшинбаяр миний ханийг хэрцгийгээр зодож гэмтээсэн. Хань минь тархиндаа маш хүнд гэмтэл авч, суурь яс нь цуурч, тоолж баршгүй олон оёдол тавиулсан” гэх мэдээллийг өгсөн

Хэргийг ХУД-ын 1-р хэлтэст шалгаж байна. Н.Түвшинбаяраас байцаалт авч дууссан бөгөөд түүнийг бусдын биед хүнд гэмтэл учруулсан гэх үндэслэлээр 72 цагийн хугацаанд цагдан хориод байна.

Шуурхай мэдээ: Н.Түвшинбаярыг хойшлуулашгүй гэж үзэн 48 цаг саатуулах шийдвэр гаргасан ч тэрээр тархиндаа бага зэрэг гэмтэлтэй учраас эмнэлэгт хэвтүүлж эмчлүүлсэний дараа цагдан хорих байр руу авч явахаар болжээ. ХУД-ийн цагдаагийн 1-р хэлтсийн байцаагч Н.Түвшинбаярыг шууд баривчлах санал гаргасан ч өмгөөлөгч нь биеийн байдлыг харгалзан үзэхийг хүсч, саатуулахыг эсэргүүцсэн байна. Хуулийн дагуу прокурор өмгөөлөгчийн хүсэлтийг хүлээн авч эхний ээлжинд эмнэлэгт хэвтүүлэхээр болжээ.